ជំងឺរលាកផ្លូវដង្ហើមប្រភេទថ្មី Novel Coronavirus (2019-nCoV)

ជំងឺរលាកផ្លូវដង្ហើមប្រភេទថ្មី Novel Coronavirus (2019-nCoV) 

ជំងឺរលាកផ្លូវដង្ហើម Coronaviruses (CoV) វាជាចង្កោមវីរ៉ុសដែលបណ្ដាលអោយធ្លាក់ខ្លួនឈឺរាប់ចាប់តាំងពីផ្ដាសាយធម្មតា រហូតដល់នាំអោយមានការរលាកសួតធ្ងន់ធ្ងរ។​ ចំពោះមេរោគ Novel Coronavirus (2019-nCoV) វាជាវីរ៉ុសវិវត្តន៍ថ្មីដែលគេមិនដែលបានជួបប្រទះឆ្លងមកមនុស្សកន្លងមកទេ។

បើយើងនិយាយពី Coronaviruses (CoV) គឺវាជាវីរ៉ុសដែលឆ្លងរវាងមនុស្សនិងសត្វ។

នៅថ្ងៃទី៣១ ខែធ្នូ ឆ្នាំ ២០១៩ អង្គការសុខភាពពិភពលោកប្រចាំប្រទេសចិន បានផ្ដល់ព័ត៌មានពីវីរ៉ុស Novel Coronavirus (2019-nCoV) ក្នុងទីក្រុងវូហាន (Wuhan) ខេត្តអ៊ូបេ (Hubei) ប្រទេសចិន។ ជំងឺរលាកផ្លូវដង្ហើមប្រភេទថ្មី  Novel Coronaviruses (2019-nCoV) បានឆ្លងរីករាលដាលដល់ប្រទេស អាមេរិក ថៃ សិង្ហបុរី  ជប់ុន ហុងកុង កូរ៉េខាងត្បូង ហើយ។

រោគសញ្ញា៖

• កំដៅ៣៨ អង្សាសេ
• មានរោគសញ្ញាមួយក្នុងចំណោមរោគសញ្ញាដូចជា ក្អក ហៀរសំបោរ ឈឺបំពង់ក ពិបាកដកដង្ហើម។
• មានប្រវត្តិធ្វើដំណើរមកពីប្រទេសចិន ប៉ះពាល់ជាមួយអ្នកមានជំងឺរលាកផ្លូវដង្ហើម ប៉ះពាល់ជាមួយសត្វឈឺ

វិធីការពារ៖

• ពាក់ម៉ាសការពារ
• លាងដៃនឹងសាប៊ូអោយបានញឹកញាប់ រួមទាំងពេលប៉ះពាល់ជាមួយអ្នកជំងឺដែលមានរោគសញ្ញាដូចជា ក្អក ហៀរសំបោរ ឈឺបំពង់ក ពិបាកដកដង្ហើម
• ចំអិនម្ហូបអោយបានឆ្អិនល្អ

ជំងឺរលាកផ្លូវដង្ហើមប្រភេទថ្មី Novel Coronavirus (2019-nCoV) មិនទាន់មានវ៉ាក់ស៊ាំងការពារឫថ្នាំព្យាបាលទេ តែគេអាចព្យាបាលរោគសញ្ញាវាបាន។